Etiketak

Etiketa bat da objektu bati itsatsi, lotu edo finkatzen zaion edo hartatik zintzilik jartzen den paper bat, kartoi mehe bat, plastiko bat edo antzeko beste material bat. Objektu hori zer den edo barruan zer duen adierazi, edo harekin zerikusia duen beste edozein informazio ematen du, hala nola sailkapena edo balorazioa.

Etiketa-mota asko daude:

  • Arroparako etiketa esekiak.
  • Elikagaien etiketak.
  • Beirazko ontzietako etiketak.
  • Etiketa biribilak.
  • Etiketa trokelatuak.
  • Zenbakitutako etiketak eta/edo kode aldakorrekoak.
  • ...
Formatua

Beste produktu batzuen kasuan bezala, ez dago etiketak inprimatzeko tamaina estandarrik.
Tamaina aldatu egiten da etiketatu nahi dugun produktuaren arabera.
Arropa baten etiketak, ardo-botila batenak edo su-itzalgailu batenak ez dute tamaina eta formatu bera.

Sartu nahi dugun informazioa, sailkapena edo balorazioa osorik hartu beharko luke etiketak, eta horren arabera aukeratu behar da tamaina, datuak argi eta garbi eta irakurtzeko moduan ager daitezen.

Etiketak neurrira egin daitezke, behar ditugun formekin. Beharrezko trokela erabili behar da, besterik ez.

Inprimaketa

Etiketak alde batean edo bietan inprima daitezke, eta aukera hauetako bat erabil daiteke:

  • koloretan (kuatrikomia)
  • beltzez
  • bi koloretan
  • Pantone koloretan
  • aurreko guztiak konbinatuta

Etiketak inprimatzean, barra-kodeak eta QR kodeak sar daitezke —edo datu aldakorraren bidez pertsonalizatu ditzakegu—, produktuari buruzko informazioa osatzeko. Kasu horretan, barra-kodeen irakurgailuak erabili behar dira informazio hori irakurtzeko.

Gure etiketari aparteko balio erantsia emateko, teknika hauek erabil ditzakegu, besteak beste: estanpazioa, UVI berniz selektiboa, plastifikatua/laminatua eta lehorreko hatza.

Teknika horiek diseinu on batekin konbinatuz gero, gure produktuen etiketa erakargarriak eta irakurterrazak sor ditzakegu.

Euskarria

Etiketak inprimatzeko, hainbat euskarri daude, baina hauek dira gehien erabiltzen direnak: paper iztukatuak, berjuratuak, offset papera eta kartoi meheak.

Botilak etiketatzeko paper bereziak ditugu, botilatzeko makina automatikoetarako egokiak eta erraz garbitzen direnak.

Aholkuak

Etiketa eraginkorrak lortuko baditugu, ezaugarri nagusi hauek hartu behar ditugu kontuan, besteak beste:

  • Etiketa ontziaren tamainara, formara, kolorera eta abarretara egokitzea.
  • Material egokiak erabiltzea, produktuan jartzen denetik kontsumitzailearengana iritsi arte etiketak irauten duela bermatzeko.
  • Legeek, araudiek edo sektoreko erregulazioek eskatzen duten informazioa sartzea, bezeroak behar dituen datu guztiez gain.
  • Harremanetarako datuak sartzea: telefono-zenbakiak, helbideak, webgunea…, bezeroak jakin dezan nola jar daitekeen fabrikatzailearekin edo hornitzailearekin harremanetan, zalantza, kexa edo iradokizunen berri emateko.
  • Anbiguoa, osatugabea, engainagarria edo faltsua izan daitekeen informaziorik ez ipintzea.
  • Etiketa erakargarria eta desberdina diseinatzea, merkataritza-inpaktu egokia lortzeko.
  • Akabera bereziak erabiltzea, ahal dela; esaterako, UVI berniza, lehorreko hatza, estanpazioa, laminatua eta beste edozein. Izan ere, diseinua hobetzen eta nabarmentzen baitute, eta marketin-emaitza apartak dituztelako.